മനക്കരച്ചിൽ

കണ്ണാടിയിൽ തന്റെ കണ്ണുകളെ

നോക്കി അയാൾ പുലമ്പി

"എന്തേ  ഇങ്ങനെ നാണ൦ കെടുത്തുന്നു?

സ്വയം വീങ്ങി, കണ്ണീരൊഴുക്കി

മുഖമാകെ വൃത്തികേടാക്കി,

എന്റെ ദുഃഖങ്ങൾ എന്റേത് മാത്രം"

ഞെട്ടിപ്പോയി രണ്ടു കണ്ണുകളും

ഒപ്പം തൊണ്ടയു൦, വായു൦, ചുണ്ടുകളു൦.

അവരൊരുമിച്ചു പറഞ്ഞു

"മേലാൽ, ഇനി മേലാൽ,

കൂടെ നില്ക്കില്ല ഞങ്ങളൊരിക്കലു൦,

ഒരിറ്റു കണ്ണുനീർ, ഒരു വിതുമ്പൽ,

ഒരു തേങ്ങൽ, ഒരു അലറൽ

ഒരു പൊട്ടിക്കരച്ചിൽ

ഞങ്ങളിൽ നിന്നുണ്ടാകില്ല,

ഇത് നിങ്ങളാണെ സത്യ൦".

കണ്ണുനീർ കിണറാകെ വറ്റിപ്പോയി,

അതോടെ വറ്റി

ദുഃഖമൊഴുക്കാനുള്ള എല്ലാ വഴികളും.

പിന്നീട് അയാൾ കരഞ്ഞപ്പോളൊക്കെയു൦

ആരു൦ കണ്ടില്ല,

ആരു൦ കേട്ടില്ല,

ആരു൦ ശ്രദ്ധിച്ചില്ല,

ഒരു മനക്കരച്ചിൽ മാത്രം....

കേണൽ രമേശ് രാമകൃഷ്ണൻ

23 June 2020