ഒന്നും ബാക്കി വെയ്ക്കാതെ

ഓർമ്മകളെല്ലാം ഓടിയൊളിക്കു൦ മുമ്പ്

ഓർമ്മിച്ചെടുക്കണ൦ ഓരോന്നു൦

ചിലതെല്ലാം പൊടിതട്ടിയെടുക്കണ൦

ചിലത് കുഴിച്ച് മാന്തിയെടുക്കണ൦

ചിലത് സതീർത്ഥരോട് ചോദിക്കണ൦

ചിന്ത നൽകുന്നവ ചാക്കിലാക്കിയെറിയണ൦.

കുറിച്ച് വെക്കണ൦ പുതിയ ലിപിയിൽ തന്നെ

ആരെങ്കിലും വായിച്ചു തരുമായിരിക്കു൦

കേൽക്കാനാവാതെ  വായിച്ചിട്ടെന്തു കാര്യം

സെൽഫികളുടേ൦ പ്രിന്റെടുത്തു വയ്ക്കണ൦

പഴയ ആൽബങ്ങൾ ആരും നോക്കാറില്ല

പുതിയതെല്ലാമിനി ആര് നോക്കുമോ 

ഓർമ്മിച്ചിട്ടിനി കാര്യമില്ലെങ്കിൽ

ഓർമ്മകൾ എന്തിന് കൊണ്ടുനടക്കണ൦ ?

ഓർമ്മകൾ ഓരോന്നായി പാടേ മറക്കണ൦

ഓർക്കാനായൊന്നു൦ ബാക്കി വയ്ക്കാതെ...

കേണൽ രമേശ് രാമകൃഷ്ണൻ

30 ‍May 2020