ഇന്നലെ രാത്രി എന്റെ മുഖത്ത്
വന്നടിച്ച കാറ്റിൽ
എന്തോ ഉണ്ടായിരുന്നു
ഒരു മാദകഗന്ധ൦ പോലെ
പരാഗണത്തിന് പോയത്
വഴി മാറി വന്നതാണോ
അതോ തണുത്ത മഴ നനയാതെ
ഓടിക്കേറി വന്നതോ
പാതി ചാരിയ ജനാലയിലൂടെ
ശൂളമടിച്ചു വന്നു
എന്നിട്ടെന്റെ ഉള്ളിലേക്ക്
ഇരച്ചങ്ങനെ കയറി
കോരിത്തരിച്ച ഞാൻ
എന്തൊക്കെയോ.......
എന്നെ ഉറക്കിയിട്ടിട്ട്
ഒരു പാട്ടും പാടി ആ കാറ്റ്
എങ്ങോട്ടോ വീശി പോയി.
എന്നോടൊരു വിടപോലു൦
പറയാതെ..
കേണൽ രമേശ് രാമകൃഷ്ണൻ
23 June 2020
No comments:
Post a Comment