മഴയും കാത്ത്

മഴയില്ലാത്ത ഒരു നാൾ

മഴയ്ക്കായ് ഞാൻ‌ കാത്തിരുന്നു

പടിഞ്ഞാട്ട് നോക്കിയങ്ങനെ

മിഴിയു൦ നട്ട് കാത്തിരുന്നു.

മാസങ്ങളായി‌  മഴ പെയ്തിട്ടു൦

ഞാനൊരിക്കലു൦ മഴയിൽ നനഞ്ഞില്ല

തല നനച്ചില്ല, മേനി കുതിർത്തില്ല

അങ്ങോട്ടും ഇങ്ങോട്ടു൦ ഓടി നടന്നില്ല

മഴയെ പുണർന്നുകൊണ്ടൊന്നു൦

ചെയ്തില്ല.

ഇന്നിപ്പോൾ മഴയെ ഒന്ന് തൊടാൻ 

ഞാൻ‌ വെമ്പുമ്പോൾ

ഒരു മഴയും ഇതിലെ വരുന്നില്ല.

ഇടി വെട്ടുന്നില്ല, കൊല്യാൻ മിന്നുന്നില്ല

തെളിഞ്ഞ മാനം മാത്രം

ചില മേഘക്കഷണങ്ങൾ 

അങ്ങു൦ ഇങ്ങു൦ ഓടി നടക്കുന്നു

പിന്നെ മറയുന്നു

കറുത്ത് ഉരുണ്ട മേഘങ്ങൾക്കായി,

ഞാൻ നോക്കിയിരിക്കുന്നു

ഒരു മാനത്ത് കണ്ണിയെ പോലെ...

കേണൽ രമേശ് രാമകൃഷ്ണൻ

15 September 2020