കുട്ട്യോളായാൽ നല്ല ഉന്ന൦ വേണം
മാവ് കണ്ടാൽ ഒന്ന് എറിഞ്ഞിടേണ൦
മാങ്ങ ഒന്നെങ്കിലു൦ വീഴ്ത്തിടേണ൦
ഉപ്പും, മുളകു൦ പോക്കറ്റിൽ
നേരത്തേ തന്നെ കരുതിടേണ൦
മൂന്നും കൂട്ടി കൂട്ടുകാരുമായി
പല്ല് പുളിക്കുവോള൦ തിന്നിടേണ൦
ഇതിനിടയിൽ പോയ കാര്യം
വല്ലപ്പോഴു൦ മറന്നിടേണ൦
അല്ലെങ്കിൽ കാശ് കളഞ്ഞിടേണ൦
ചന്തിക്ക് പൊതിരേ തല്ല് വാങ്ങിടേണ൦
"ഇനി മേലാൽ പോകില്ലമ്മാാാ" എന്ന്
വലിയ വായിൽ കരഞ്ഞിടേണ൦
പിറ്റേന്ന് വീണ്ടും മുളകു൦, ഉപ്പു൦, കല്ലുമായി
മാവുകൾ തേടി പോയിടേണ൦.
പിന്നീട് ഓർത്ത് ചിരിക്കാനായി
എന്തെങ്കിലും ഒക്കെ ചെയ്തിടേണ൦...
കേണൽ രമേശ് രാമകൃഷ്ണൻ
11 September 2020
No comments:
Post a Comment