അങ്ങനെ ഒരു യാത്ര

ഈ ട്രെയിനെന്താ വൈകുന്നെ ?

കുഞ്ഞാണേൽ പിടി വിടുന്നുമില്ല

ഇനിയും കാത്തു നില്ക്കാൻ വയ്യ

ഇന്നലെ ടെലിഗ്രാ൦ കിട്ടിയപ്പോൾ മുതൽ

വീട്ടിൽ കരച്ചിൽ തന്നെ കരച്ചിൽ

അമ്മയൊന്നു൦ മിണ്ടീല്ല

അച്ഛൻ ഒന്നേ ‌പറഞ്ഞുള്ളൂ

"ജയിച്ചു വരൂ മോനേ, 

ഞാൻ കാത്തിരിക്കു൦"

ഈ സുമതിയെന്താ ഇങ്ങനെ

ജീവശ്ശവ൦ പോലെ നില്ക്കുന്നു

വിളറി, വെളുത്ത് മിണ്ടാട്ടമില്ലാതെ

ഭടനാണ് ഞാൻ, രാജ്യത്തിന്റെ പോരാളി

ശത്രുവിനെ കൊന്നു തള്ളിക്കൊണ്ട്

രാഷ്ട്രത്തെ രക്ഷിക്കണ൦

പ്രധാന മന്ത്രിയു൦ പറഞ്ഞു

"യുദ്ധം അനിവാര്യമാണ്"

ഇനി പുറകോട്ട് ഒരു നോട്ട൦

യുദ്ധം ജയിച്ചിട്ട് മാത്രം

മൂത്ത മകൻ വിളിച്ചു കൂവി

"അച്ഛാ വണ്ടി എത്തി"...

സുമതി കയ്യിലെ പിടി മുറുക്കി

പോവണ്ടാ എന്ന് കെഞ്ചുന്ന പോലെ

"മടങ്ങി വരും സഖീ, നീ കാത്തിരിക്കൂ"

കണ്ണിൽ നോക്കാതെ പിടി വിടീച്ചു

കുഞ്ഞിനെ കയ്യിൽ കൊടുത്തിട്ട്

യാത്രയായി

ഒരു ഭടന്റെ യുദ്ധ ഭൂമിയിലേക്കുള്ള യാത്ര..

കേണൽ രമേശ് ‌രാമകൃഷ്ണൻ

18 August 2020