രാവിന്റെ നിശബ്ദതയിൽ
ഞാൻ കാതോർത്തു കിടന്നു
അടി വച്ച്, അടി വച്ച്, മന്ദ൦ മന്ദ൦
ആ ശബ്ദം അടുത്തടുത്തു വന്നു
പാദസരത്തിന്റെ കിലുങ്ങുന്ന ശബ്ദം
വെപ്രാളിയായ ഞാൻ ചാടിപ്പിടിച്ചു
കൈ വിടുവിച്ച് ഓടിപ്പോയി
ഒപ്പം പോയി
ആ പാദസരത്തിന്റെ ശബ്ദവും
എന്നെന്നേക്കുമായി....
രാവിന്റെ ഏകാന്തതയിൽ
നിശ്ശബ്ദ നിമിഷങ്ങളിൽ
ഇന്നും കാത്തിരിക്കുന്നു ഞാൻ
ആ പാദസരത്തിന്റെ
കിലുങ്ങുന്ന ശബ്ദം...
കേണൽ രമേശ് രാമകൃഷ്ണൻ
18 August 2020
No comments:
Post a Comment