വണ്ട് പറഞ്ഞ വിട

മഴ നനഞ്ഞു കൊണ്ട്

മധു നുകരാൻ എത്തിയ വണ്ടിനോട് പൂവോതി

“മതിയാവോളം നുകർന്നോളൂ സഖേ 

ഈ മധുവെല്ലാം,

മഴയിലൊലിച്ചു പോകും മുമ്പ്.”

വയറ് നിറഞ്ഞ്  വായ തുടച്ച് വണ്ടോതി

“നന്ദി സഖീ, നന്ദി,

ഇന്ന് അർക്കൻ ഉറങ്ങുന്നതോടെ

എന്നെന്നേക്കുമായി തീരും 

നീന്റെ ജീവിതം

രണ്ട് നാളുകൾ കഴിഞ്ഞെന്റേതും,

ഇനി നമുക്ക് ഒരു ജന്മം ഉണ്ടെങ്കിൽ

അന്ന് പൂവായ് നീയും വണ്ടായ് ഞാനും

ഒരു നാൾ ജനിക്കുമെങ്കിൽ,

നമുക്ക് അന്ന് കാണാം.

ഈ മഴയും, ആഞ്ഞടിക്കുന്ന കാറ്റും,

നിന്റെ മേനി ഉലയ്ക്കും മുമ്പ്

,

ഇതളുകൾ ഓരോന്നായി 

പൊഴിക്കും മുമ്പ്

,

ആരേലും നിർദ്ദയൻ

നിന്നെ കശക്കി ഏറിയും മുമ്പ്,

വിതറൂ നിന്റെ പരിമളം

ഒട്ടും  ബാക്കി വെക്കാതെ.

വിട പറയുന്നു സഖീ,

എന്നെന്നേക്കുമായി വിട…”

കേണൽ രമേശ് രാമകൃഷ്ണൻ

29 Mar 2021