സന്ധ്യാരാഗം

സമയം ഇനിയും ബാക്കിയുണ്ടല്ലോ ?

അല്പനേരം കൂടി ഞാൻ

ഇവിടെയൊന്നിരുന്നോട്ടെ.

ഒന്നുകൂടി ഇവിടെയൊക്കെ 

ഒന്നു നടന്നോട്ടെ

സന്ധ്യയ്ക്ക്  ഇനിയും 

നേരം ബാക്കി ഉണ്ടല്ലോ

?

സൂര്യൻ നല്ലോണം ഒന്ന് മുങ്ങി മറയട്ടെ,

ഒന്നു രണ്ടു നക്ഷത്രങ്ങളെങ്കിലും

മാനത്ത് നല്ലൊണം തെളിഞ്ഞു 

ഞാൻ ഒന്ന് കണ്ടോട്ടെ,

പാലൊളി നിലാവിൽ 

ഞാനും

ഒന്ന്  മുങ്ങി കുളിച്ചോട്ടെ.

എന്റെ കാലിന്റെ തണ്ടയ്ക്കും തുടയ്ക്കും

കരുത്ത്  ഇനിയും  ബാക്കിയുണ്ടല്ലോ ?

കുറെ ദൂരം കൂടി

ഞാൻ ഒന്ന് നടന്നോട്ടെ,

ശ്വാസകോശങ്ങൾ നിറയും വരെ

വായുവിനെ വലിച്ചൊന്നു കയറ്റിക്കോട്ടെ,

ചില കാഴ്ചകൾ കണ്ണ് നിറയെ 

ഞാൻ ഒന്നുകൂടി കണ്ടോട്ടെ,

എന്തിനാണിത്ര ധൃതി ?

സമയം ഇനിയും ബാക്കിയുണ്ടല്ലോ ?

കുറെ നേരം കൂടി

ഇവിടെയൊക്ക

ഞാൻ ഒന്നു നിന്നോട്ടെ…..

കേണൽ രമേശ് രാമകൃഷ്ണൻ