ഒരു വിലങ്ങിന്റെ വിലാപം

സ്വയം 

ഒന്ന് പൊട്ടാൻ കഴിഞ്ഞെങ്കിൽ,

പൊട്ടിക്കരയാൻ പറ്റുമെങ്കിൽ,

കയ്യെത്തി ആ ചുടുകണ്ണീർ

ഒന്നൊപ്പാൻ കഴിഞ്ഞെങ്കിൽ !

വിതുമ്പുകയാണ് ഞാൻ.

കള്ളനെയും, തെമ്മാടിയെയും

കൊലയാളിയെയും, ആഭാസനേയും

ബന്ധിച്ച വിലങ്ങാണ് ഞാൻ.

പക്ഷേ ഇന്ന് ഞാൻ ബന്ധിച്ചതോ ?

ഒരു സമര സേനാനിയെ,

അഭിപ്രായ സ്വാതന്ത്ര്യത്തിനായി

മനസ്സാക്ഷിയും, മനോധർമ്മവും

മുറുകെപ്പിടിച്ചു പോരാടുന്ന

ധീര യോദ്ധാവിനെ.

എനിക്ക് വേണ്ടാ 

ഈ കിലുങ്ങുന്ന ശബ്ദം

എനിക്ക് വേണ്ടാ

ഈ ശക്തിയും ദൃഢതയും.

ആ ചുരുട്ടിയ മുഷ്ടിയിലേക്ക് 

അലിഞ്ഞ് ചേർന്നതിനെ

ഒരു ഇരുമ്പ് മുഷ്ടി ആക്കാൻ

കഴിഞ്ഞിരുന്നു എങ്കിൽ…

കേണൽ രമേശ് രാമകൃഷ്ണൻ

14 Mar 2021.