ഒരു നൊമ്പര കവചം

തോക്ക് പിടിച്ചു

തഴമ്പിച്ച കൈകൾ കൊണ്ട്

എന്നെ ഒന്ന് കൂടി തലോടൂ..

ചില നൊമ്പരങ്ങൾ, മുറിവുകൾ

ഞാനും ഒന്നറിയട്ടെ.

നാളെ അതിർത്തിയിലേക്ക്

പോവുകയാണല്ലോ !

ഇന്നത്തെ പകലും

പിന്നെ രാത്രി മൊത്തവും

എനിക്കായ് മാത്രം 

നീ മാറ്റി വെയ്ക്കൂ.

ശരീരത്തിന്റെ 

ഭാഗമായ് മാറിയ

ആ യൂണിഫോമിനെപ്പോലെ

എന്നെയൊന്നു വാരിപ്പുണരൂ.

രാജ്യസ്നേഹം ആത്മാവിൽ

നിറച്ചത് പോലെ

എന്റെ ഊഷ്മാവും , ഗന്ധവും

ഒട്ടേറെ ഓർമ്മകളും

കൊണ്ട് പോകൂ ഒരു കവചമായി.

ഏത് സന്ദർഭത്തിലും

കൂടെയുണ്ടാകും ഞാൻ.

വിജയശ്രീ ലാളിതനായി

മടങ്ങി വരൂ.

കാത്തിരിക്കും ഞാൻ...

കേണൽ രമേശ് രാമകൃഷ്ണൻ

12 Mar 2021