മഴ‌ മേഘങ്ങൾ

പെയ്തൊഴിഞ്ഞ ചില മേഘങ്ങൾ

കുട൦ നിറയ്ക്കാനെന്നോണ൦

അറബി കടലിലേക്ക് നീങ്ങുമ്പോൾ

കണ്ടു ഞാൻ ‌അവരുടെയിടയിൽ

പണ്ട് കണ്ട എന്റെ കന്നിമേഘത്തെ

കരയുകയായിരുന്നു.

ആരോ ആ കുഞ്ഞുമേഘത്തിന്റെ

മാറോടണച്ച ചെറുകുട൦

തട്ടിയുടച്ച പോലെ.

കണ്ട ഭാവ൦ നടിക്കാതെ

മേഘങ്ങക്കിടയിൽ ഒളിഞ്ഞുമാറി

മന്ദ൦ മന്ദ൦ നീങ്ങുകയായിരുന്നു.

വരുമായിരിക്കു൦ കുട൦ നിറച്ച്

ഈ വർഷം ഒന്നു കൂടി

അല്ലെങ്കിൽ അടുത്ത വർഷം

ഒരു പേമാരിയായി

അല്ലെങ്കിൽ ഇനി എന്നെങ്കിലും

കാത്തിരിക്കുന്നു ഞാൻ

എന്റെ മഴ മേഘങ്ങളെ ‌...