ഒരു സംവാദം

ഭർത്താവ് :

വരൂ സഖീ

എന്നെ മുറുകെ പിടിച്ചോളൂ

വീഴില്ല നീ, ഞാൻ വീഴാത്തിടത്തോളം.

എന്റെ ഏല്ലിലും മജ്ജയിലും

രക്തത്തിലും മാംസത്തിലും

ഒരിറ്റു ജീവൻ ബാക്കി നിൽക്കവേ

സംരക്ഷണത്തിലാണ് നീ

ഈ സതീർത്ഥന്റെ.

ഒരുപാട് ദൂരം ബാക്കിയുണ്ടിനിയും.

യാത്ര തുടർന്നോളൂ

ഒട്ടും തളരാതെ...

ഭാര്യ :

വിടപറയാൻ ഇനി നേരമുണ്ടെന്നാലും,

വിരഹിണി രാധ ആകാൻ എനിക്കിഷ്ടമല്ല.

വിരലുകൾ പിടിച്ചു തുടങ്ങിയ ഈ ജീവിതം,

വിധിയുടെ കൈകളിൽ എത്താൻ സമയമായി,

മരണം വന്നെന്നെ മാടി വിളിക്കുമ്പോൾ

മടിയിൽ കിടന്ന് ഞാൻ

കണ്ണുകളിൽ നോക്കുമ്പോൾ

കരയാതെ എന്നെ നീ

യാത്ര അയക്കണം.

ആ പുഞ്ചിരിക്കുന്ന മുഖം മാത്രം എൻ ഓർമ്മയിൽ നില്ക്കണം

അടുത്ത ജന്മത്തിൽ

തിരിച്ചറിയാനായി..

കേണൽ രമേശ് രാമകൃഷ്ണൻ

28 Nov 2020.