മറവിക്കസേര

ഇന്നലെ വരെ

ഞാനിരുന്ന കസേരയിൽ

ഇന്നിതാ ദേ ജയിച്ചവൻ കയറിയിരിക്കുന്നു.

എന്ത് രസമായിരുന്നു

ഈ കസേര !

ഇരുന്ന് കറങ്ങാം

അങ്ങോട്ടുമിങ്ങോട്ടും ചാഞ്ചാടാം

വേണൽ കാലെടുത്തു മേശമേൽ വയ്ക്കാം.

മുന്നിൽ ഓച്ഛാനിച്ച് നില്ക്കാൻ എത്രപേർ !

എന്തെക്കെയോ ചെയ്യാമെന്ന് പറഞ്ഞിട്ടാ

എനിക്കന്ന് ഈ  കസേര കിട്ടിയത്

എന്നിട്ട് ഞാനെല്ലാം മറന്നു പോയി

എന്റെ ആൾക്കാർക്കും , 

എനിക്ക് കാശ് തന്നോർക്കും

എല്ലാം ഞാൻ ചെയ്ത് കൊടുത്തു

എന്നിട്ടും എന്തേ വോട്ടർമാർ

എന്നെ ഈ ഇലക്ഷനിൽ തോല്പിച്ചു ?

ഇപ്പം കയറി ഇരുന്നോനും

എന്നെപ്പോലെ തന്നെ ആയീടും

എല്ലാം അവനും മറന്നീടും

എന്തെന്നാൽ

മറവിക്കസേരയിലല്ലേ

അവന്റെയും ഇരിപ്പ് !!

കേണൽ രമേശ് രാമകൃഷ്ണൻ

19 December 2020